MusicStory

Mystery: Un pida papel cu notanan musical, di ken e ta?

Reading Time: 4 minutes<br><br>
E papel cu notanan musical. Photo by Mi Aruba.

E pregunta di e piesa descubri na Museo Historico Aruba (Fort Zoutman) a wordo haci originalmente riba Mi Aruba.

Piesa di museum #1

E cantica ta un wals, pero e no ta un wals tradicional Arubiano; di esaki mi por saca afo cierto conclusion; segun e buki di Rene Romer, e piesa cu bo ta wak bo dilanti ta un piesa traha den e epoca di siglo 19, na ‘mi sorpresa den e mes un buki aki; tin un di e partitura, cu ta mustra similar na e manera cu e piesa di museo a wordo skirbi, eynan mi por conclui segun buki di Rene, e persona cu a skirbi e cantica mas probabel ta un musico Hulandes, cu tabata tin conocimiento di nos musica, kizas asta un pater, mirando cu e paternan(pastoornan) a documenta hopi di nos musica.

E wals ta un wals di Vienna(Oostenrijk), e ta haci ‘mi corda e piesa; Kaiser- walzer( Emperor waltz); esaki bo por hay’ e riba youtube pa scucha.

E ta tipico di un di un piesa den e epoca aki, pa por tin presente un parti cu ta alegre i despues un parti tristo, esaki bo ta skucha na e prome parti cu ta allegre(major) i despues un un tiki mas tristo( mineur). Si e lesado sa di musica, e por bisa tambe cu e ta simula; Sonate vorm e forma aki di structura tabata un manera cu compositornan tabata traha nan cantica den e epoca di Mozart, un parti alegre sigi pa un tristo.

Con cantica of influencia nan Europeo a yega Aruba?

Hopi Hulandes tabata na Aruba pa motibo di colonisacion, i aki nan a trece tambe hunto cu nan, nan musica.
Nos tin cu tene cuenta cu varios cos, nos musica ta mezcla di musica Europeo i Africano. Hopi hende na Aruba ta pensa cu ta Padu i Rufo Wever a cuminsa cu e ‘stroming’ di nos musica, unda cu e realidad ta nos musica ta bai mucho mas atras cu esey. Nos mester bai bek na aña 1830, unda cu un mr bou nomber; Gerrie Palm(1831-1906) a cuminsa skirbi nos estilo di musica Antiyano, i si, mi ta bisa musica Antiyano, pasobra prome cu nos musica Arubiano a separa, nos musica a bin di e gordura nan di musica Antiyano, i te dia di awe asina e la keda.

Mira e siguiente letter nan cu ta poni den e partitura;

A. Akinan ta indica e forma di nota nos musica den medio pa cabada di siglo 19; den e caso ki e tin e influencia di tur dos epoca; medio i caba di siglo 19. Na unda bo ta wak mi fuente indica ta na unda mi a wak e partitura aki.

B. E acompañamento ta uno di e wals Vienna; pa un hende cu ta scucha hopi musica classico esaki lo bira riparabel imediatamente ora di scuch’ e.

C. E ta di lamenta cu antes, e pracitca di conserva partitura, tabata poco pa casi ni existi, i p’esey nos por -te awo- solamente pensa, locual e compositor kier a expresa, den e caso aki mi a haci mi best di pensa mane e compositor un rato, pa purba di expres’(su composicion) e mas detaya posibel.

D. Tipico di un influencia di musica classico, ta e cambio di allegre pa tristo; esaki ta bin voor den cantica nan di Mozart i hopi otro compositornan mas; e sucedido aki nos ta yama; Sonate vorm; unda cu e cantica ta cuminsa allegre, i diripiente bira tristo. Tin otro forma nan di cantica di e epoca aki, tambe ta haci mescos, pero e mas famoso, t’ e ‘Sonate vorm’.

 

Partitura [PDF] nobo interpreta pa Jaderick Croes.

Literatura.
René A. Römer et al., Cultureel mozaïek van de Nederlandse Antillen.
Steffelaar, W. (2007.) Muzikale stijlgeschiedenis. Amsterdam.

 

Leave a comment