FeaturedLiterature

Poetry: Pensa

Reading Time: < 1 minute<br><br>

Mi ta pensa
mi ta pensa Aruba
mas cu un isla,
e ta un sentimento
kinan hende nan ta sonrei
sin motibo, y ora nan
puntra nos dicon
nos ta bisa : “wel, wak rond di bo”

Mi ta pensa,
Mi ta pensa Aruba
kinan solo sa perfectamente
unda pa baha, e sa e momento
preciso pa baha brasa lama
y pone e shelo bira un pintura
yena cu color
yena cu dulcura

Mi ta pensa,
Mi ta pensa Aruba
kinan tur cos ta surreal,
te asta e calor ta un calor ideal
hende ta bin fo’i tur caminda na mundo
purbando di haya e caribe
den nan vena, e zonido di
steelbands cu nos tin como
latido den nos curason

Mi ta pensa
Mi ta pensa Aruba
Aruba no ta un destinacion
riba mapa, e ta un soño
riba lama, un curpa mahestueso
drumi den santo ta zonnebad

Aruba ta un sentimento,
cu ta hasi alma nan contento
Aruba ta un sentimento
y yega kinan ta tur cos,
menos un lamento

Leave a comment