News

Aruba’s 5th Annual Tattoo Convention

Reading Time: 2 minutes

Den un ambiente yen di color, shading y show a tuma lugar dia 1 y 2 di april ultimo Aruba su di 5 Tattoo Convention. E convention annual aki ta wordo organisa pa e famoso studio di tattoo, esta Inkspiration Tattoo Studio’s di Ryan “Clinchi” Tromp. Un biaha mas e evento a capta atencion di tur amante di e mundo di tatuahe. Artistanan di Aruba y varios pais rond mundo a reuni na Hilton Aruba Hotel pa asina demostra nan arte riba personanan cu ta haci nan curpa un canvas permanente.

Photo by Anuar Habibe

Portugal, Costa Rica, Colombia, Venezuela y Korsou tabata entre e paisnan cu a bishita e espectaculo artistico aki. Como “Tattoo Guest Artist” tabata presente na Aruba pa prome biaha Stefano Alcantara. Tony Tromp, Silvio Bufalini y Rachel Peterson y e upcoming artist Rebecca ta algun di e artistanan local di Aruba mientras cu di bishita tabatey Patrícia Beja di Portugal, Kayleigh Kerr di USA y Harold Alvarado di Costa Rica. Musica y shows tabata parti di e atraccion pero loke mas a capta atencion ta e “suspension show” realisa pa Red Skull y Emilio Gonzalez.

Photo by Anuar Habibe

Entre e ganadornan tabatin Shamo8 di Colombia cu a bay cu e premio “best of Saturday” y “Best Traditional”. David Gonsalez a gana e “best of Sunday” y “Best Relism.” Otro ganadornan tabata Roberto Hernandez “Best Oriental”, Jonathan Villegas “Best Geometric”.

Leave a comment